Dagur 7

Ösluðum af stað á sveitavegum í óþarflega þéttri umferð, Mcdonalds í hádeginu létti brúnina á unga manninum.

Fórum inn til Munster á hraðbraut og í Louis sem er ALVÖRU mótorhjóla búð keyptum okkur nesti og nýja skó eða þannig...... keyptum allavega nýja skó og Englandshelda regngalla svo við erum klárir í allt. Hitastigið fer hækkandi þegar sunnar dregur og fannst okkur 20+ vera í það mesta þegar við fórum hægt yfir í þéttri borgarumferðinni í dag. Komum okkur burt úr eftirmiðdags örtröð borgarinnar og náðum inná yndælis sveita hótel á átunda tímanum í kvöld og þær Gertrud og Hilda töfruðu fram kræsingar handa okkur á skömmum tíma, liðum við útaf fyrir framan kassann saddir og sælir feðgarnir.

Eigum örstutt í Holland héðan og stefnum að því að kíkja á Elínu og og hina níundu bekkingana á morgun.

Dagur 6

Danmörk í Þýskaland

Byrjuðum daginn á örmjóum, hlykkjóttum og frábærum sveitavegum í DK, tókum svo stuttan legg á hraðbraut yfir landamærin til þýskalands, þvældumst áfram í Þýsku sveitunum, yfir Elbuna og áfram suðurá við, áðum á ágætis hóteli í meðalstórum Hafnarfirði sem heitir Bremervörde. Fórum að éta á Grískan veitingastað að kvöldi og lentum þar á hlaðborð sem var ekkert smáræði. Næst tökum við stefnuna á Holland via Munster en þar ætlum við í MC-verslun.

Gullkorn dagsins á Ísak  "karamellur og TVEIR KODDAR ! þetta er lífið".

Þar sem við eigum í endalausu frostveseni hérna á moggablogginu þá bendum við á bloggið hjá Ernu ferðafélaga okkar sem er www.ernaaferdinni.bloggar.is

Bestu kveðjur til allra sem heima sitja og takk fyrir kveðjur sem berast. HP og ÍH. 

Dagur 5

Sunnnudagur i Legolandi

Erum bunir ad vera allan daginn i Legolandi a stuttbuxum og bol i blidskapar vedri, skemmtum okkur alveg konunglega thar.

Gistum adra nott hja henni Rosu herna i Vandel og leggjum Thyskaland ad fotum (hjolum) okkar a morgun, aetlum ad druslast yfir Elbuna til ad byrja med og sja svo til med stefnuna thegar thangad er komid.

Dagur 4

Laugardagur Danmörk !

Komum til Hanstholm í hádeginu kvöddum Jesú og vitringana (4 félagar úr Dúllurum) og purruðum af stað suðureftir. Veðrið, vegirnir og ferðahugurinn með  því besta sem gerist. sit léttklæddur á svölunum hjá Kidda og Hildi og Ísak er kominn útá leikvöll með Hreimi vini sínum. Eigum pantaða gistingi í kvöld rétt hjá Legolandi og ætlum að vera klárir þar við opnun kl 10 í fyrramálið 

Dagur 3

Föstudagur á sjó og í Noregi.

Byrjuðum dagin í öldusundlauginni um borð síðan var slakað á ofandekks í sólskininu meðan silgt var í skerjagarðinum inn til Bergen. Fengum okkur göngutúr þar seinnipartinn og erum núna að sigla suður með ströndinni í kvöldsólinni.

Verðum í Danmörku um hádegi á morgun og erum orðin spennt að takast á við eggslétt Evrópu malbikið.

Dagur 2

Færeyjar - fimmtudagur

Fórum fínann hjólarúnt í eyjunum og við Ísak tókum hluta af leiðinni á Harleynum hans Snæbjarnar ! Fórum svo í sund og gufu þegar við komum um borð aftur. Blíðu veður og ágætis félagsskapur af fjórum Dúllurum og tveim gömlum skólabræðrum á Harley.

Dagur 1.

Þá erum við lagðir af stað  next stop Seyðisfjörður og því næst Thorshavn.

Allt klárt !

Þá er það brottför í fyrramálið  Allt klárt hjá okkur og ferðafélagarnir mættir austur.

Læt hérna fylgja mynd af Ísak í híbýlunum sem við verðum í á næstunni þessi er tekin norður í Eyjafirði á ferðalagi síðasta sumar.

Undirbúningur

Við erum búnir að vera bísna uppteknir af undirbúningi fyrir ferðina við feðgar ! Ísak þó mest af því að telja niður daga og skoða á korti hversu mörg lönd hann ætlar að "afgreiða" í túrnum.

Á þessari mynd sem tekin er um jólaleytið erum við þó með hugann við aðra hluti.

Ísak var svo heppinn að geta farið suður í "mömmu-helgi" í kvöld til að dreifa huganum svo ég sit uppi með lokafráganginn.

 

Högni er í hvíld !